វិទ្យាស្ថានបើកទូលាយការរុករកឈ្មោះចូលរបស់អ្នកប្រើអ្នកនៅលើបណ្តាញមាន 0 users និង 61 guests បច្ចុប្បន្ននៅលើបណ្តាញ ។
Our Partners  
Contact
|
ចក្ខុវិស័យគម្រោងកម្មវិធីកុំព្យូទ័រភាសាខ្មែរគឺកើតឡើងពីក្តីស្រម៉ៃរបស់ យើងដែលចង់ ធ្វើឲ្យប្រទេសកម្ពុជាក្លាយជាប្រទេសព័ត៌មានវិទ្យាក្នុងរយះពេល បីឆ្នាំខាងមុខ ។ យើងប្រមើលមើលថានៅឆ្នាំ ២០០៧ ប្រជាជនកម្ពុជាអាចរៀនសូត្រ និង ប្រើកុំព្យូទ័រជាភាសាជាតិរបស់ខ្លួន "ជាប្រទេសមួយដែលមិនចាំបាច់រៀនភាសាទីពីរ ដើម្បីអាចប្រើប្រាស់កុំព្យូទ័រ" ។ កម្មវិធីសម្រាប់បញ្ចូលទិន្នន័យ និង កម្មវិធីកុំព្យូទ័រផ្សេងៗ នឹងត្រូវបានបង្កើតដោយផ្ទាល់ជាភាសាខ្មែរតាមមធ្យោបាយងាយស្រួល មានលក្ខណៈជាខ្នាតគំរូដែលមានភាពងាយស្រួលក្នុងការរៀបចំធ្វើ បញ្ជីឈ្មោះ និង ធ្វើទិន្នន័យ ។ ដើម្បីសម្រេចបាននូវគោលបំណងនេះ គឺត្រូវតែមានការប្រើប្រាស់យ៉ាងទូលំទូលាយនូវកម្មវិធីមានតម្លៃ ថោក សមស្របទៅនឹងសេដ្ឋកិច្ច បរិយាកាសពាណិជ្ជកម្ម និង ប្រជាជនកម្ពុជា ហើយត្រូវតែមានមធ្យោបាយខ្នាតគំរូមួយក្នុងការប្រើប្រាស់ខ្មែរ ។ យើងជឿជាក់ថា ដើម្បីចូលទៅក្នុងពិភពឌីជីថល ដោយមិនធ្វើឲ្យបាត់បង់វប្បធម៌របស់ខ្លួន ប្រទេសមួយត្រូវតែប្រើកម្មវិធីកុំព្យូទ័រជាភាសាជាតិរបស់ខ្លួន ។ កម្មវិធីជាភាសាបរទេសរឹតតែពង្រីកគម្លាតរេខូបណីយកម្ម ធ្វើឲ្យការហ្វឹកហ្វឺនកុំព្យូទ័រមូលដ្ឋានមានការពិបាក និង ថ្លៃ បិទការងារដែលប្រើប្រាស់កុំព្យូទ័រ ដល់អ្នកដែលមានធនធានសេដ្ឋកិច្ចតិចតួច ធ្វើឲ្យវប្បធម៌ចុះអន់ថយ និង ទប់ស្កាត់ដំណើរការរបស់រាជរដ្ឋាភិបាលដែលពឹងផ្អែកលើកុំព្យូទ័រ ពីព្រោះមកពីអក្សរមូលដ្ឋានមិនអាចប្រើក្នុងមូលដ្ឋានទិន្នន័យ ។ ជាសំណាងល្អ ការបញ្ចូលអក្សរខ្មែរទៅក្នុងខ្នាតគំរូយូនីកូដ បានបើកទ្វារដល់ការចាប់ផ្ដើមអភិវឌ្ឍភាសាខ្មែរក្នុងប្រព័ន្ធ ប្រតិបត្តិការផ្សេងៗ ។ លើសពីនេះទៀត មានកម្មវិធីមិនគិតថ្លៃ ងាយស្រួលប្រើ គុណភាពខ្ពស់ - ហៅថាកម្មវិធីកូដបើកចំហ និង ឥតគិតថ្លៃ- ដែលអាចប្រើ និង កែប្រែបាន ។ វារួមបញ្ចូលអ្វីៗទាំងអស់ ដែលកុំព្យូទ័រធម្មតាត្រូវការ ៖ ផ្ទៃតុ កម្មវិធីការិយាល័យ (ដំណើរការអត្ថបទ សៀវភៅបញ្ជី ឧបករណ៍បង្ហាញ កម្មវិធីគ្រប់គ្រងទិន្នន័យ) ឧបករណ៍អ៊ិនធឺណិត (អ៊ីម៉ែល កម្មវិធីរុករក ជជែកកំសាន្ត) កម្មវិធីពហុព័ត៌មានដើម្បីអាចប្រើ ចម្រៀង និង ភាពយន្ដ និង ឧបករណ៍ផ្សេងៗទៀត ។ ប្រទេសជាច្រើនកំពុងតែលើកតំកើន ការប្រើប្រាស់កម្មវិធីប្រភេទនេះ នៅក្នុងជួររដ្ឋាភិបាល ពាណិជ្ជកម្ម វិស័យអប់រំ និង មនុស្សទូទៅ ។ ក្នុងអតីតកាល កុំព្យូទ័រដែលប្រើនៅកម្ពុជា ភាគច្រើនប្រើជាភាសាអង់គ្លេស និង ភាគច្រើនមិនមាន អជ្ញាបណ្ណពីផលិតផល Microsoft Windows ។ ជាការពិតណាស់ កម្ពុជានឹងមានច្បាប់កម្មសិទ្ធិបញ្ញា មានន័យថា អ្នកប្រើនឹងត្រូវតែទិញអជ្ញាបណ្ណ សម្រាប់គ្រប់ច្បាប់ចម្លងនៃកម្មវិធីដែលលក់ដោយក្រុមហ៊ុនដូចជា Microsoft ដែលគាត់ប្រើ ។ វាថ្លៃណាស់ចំពោះប្រជាជនកម្ពុជា ។ កម្មវិធីកូដបើកចំហ និង យូនីកូដខ្មែរ នឹងកសាងអនាគតបច្ចេកវិទ្យាល្អបំផុត សម្រាប់កម្ពុជា ហើយវាគឺអាចនឹងសម្រេចទៅបាន ។ យើងខ្ញុំស្វាគមន៍អ្នកចូលរួមក្នុងការងារនេះ ដើម្បីរួមគ្នាសម្រេចបាននូវចក្ខុវិស័យដ៏វែងឆ្ងាយនេះ ។ គម្រោងផ្តួចផ្តើមកម្មវិធីកុំព្យូទ័រជាភាសាខ្មែរសម្របសម្រួលដោយ វិទ្យាស្ថានបើកទូលាយ ជាអង្គការក្រៅរដ្ឋាភិបាលក្នុងស្រុកមួយ ។  |
English
