កម្មវិធីភាសាខ្មែរ - សកម្មភាព និងស្ថានភាព

គម្រោងផ្តួចផ្តើមកម្មវិធីកុំព្យូទ័រភាសាខ្មែរ

សកម្មភាព និងស្ថានភាព

Your browser does not support inline frames or is currently configured not to display inline frames.

		ពុម្ពអក្សរ អតីតកាល វិច្ឆិកា ២០០៣ លោក ដាញ់ ហុង បានផ្តល់ជូននូវពុម្ពអក្សរខ្មែរអូអេស ដំបូង ។ ២០ ធ្នូ ២០០៣ លោក ដាញ់ ហុង ប្រកាសនូវក្រុមពុម្ពអក្សរខ្មែរអូអេសពេញលេញមួយ ។ ៥ មករា ២០០៤ យើងបានផ្តល់ជូននូវក្រុមពុម្ពអក្សរ KhmerOS 1.5 ជាមួយនិងការធ្វើឲ្យប្រសើរឡើងមួយចំនួន (មានក្នុងទំព័រ ទាញយក) ដូចជា ៖ - បានរួមបញ្ចូលនូវ ចន្លោះដែលមិនអាចមើលឃើញ (Zero White SPace) (u200B) ។ - ដកឃ្លា ១ EN (u2002), ដកឃ្លា ៣ដងក្នុងមួយ EM (2004), 6-to-an-EM (u2006) ។ - ស្រះពេញតួ ឳ (u17b3) ត្រូវបានធ្វើរូបរាងឡើងវិញ គឺធ្វើឲ្យខុសពី ឪ (u17aa) ។ ២៧ មេសា ២០០៤ យើងបានផ្តល់ជូននូវក្រុមពុម្ពអក្សរ KhmerOS 1.6 ។ យើងបានផ្តល់នូវពុម្ពអក្សរ KhmerOSSystemC ដែលយើងបានរៀបចំឡើងវិញ ។ វាមានទំហំស្មើគ្នារវាងអក្សរខ្មែរ និងឡាតាំង ដែលដំណើរការយ៉ាងល្អលើ Windows និង Linux ។ ៣ សីហា ២០០៤ យើងបានចេញផ្សាយនូវ ៖ Khmer OS 2.0 ដែលមើលទៅហាក់ដូចជា លៃតម្រូវយ៉ាងល្អប្រសើរសម្រាប់ភាសាខ្មែរ ទំនើប ។ Khmer OS System 2.0 ជាពុម្ពអក្សរដែលយើងបានរៀបចំឡើងវិញ ហើយមានកម្ពស់មិនសូវខ្ពស់ សម្រាប់ប្រើក្នុងម៉ឺនុយកម្មវិធី ។ Khmer OS Freehand ជាពុម្ពអក្សរសរសេរដៃដ៏ល្អស្អាតមួយ ដែលត្រូវបានធ្វើគំរូតាម អក្សរដៃដែលបានរកឃើញក្នុង សៀវភៅ "ប្រព័ន្ធការសរសេររបស់កម្ពុជា" របស់ Franklin Huffman ។ ការបកប្រែ សទ្ទានុក្រម ១៥ មករា ២០០៤ ការិយាល័យសម្របសម្រួល កម្មវិធីភាសាខ្មែរ គឺកំពុងធ្វើការយ៉ាងសកម្មក្នុងការបង្កើតក្រុមសទ្ទានុក្រមមួយ ។ យើងមានគម្រោងនឹងជួលនិសិត្ស ម្នាក់ ឬ ពីរនាក់ ដែលនឹងធ្វើការផ្សព្វផ្សាយជាសាធារណៈអំពី បច្ចេកវិជ្ជាកុំព្យូទ័រជាភាសាខ្មែរ និងដកស្រង់ពាក្យបច្ចេកទេសខ្មែរដែលបានប្រជុំស័ព្ទក្នុងសៀវភៅ និង ទស្សនាវដ្តី ។ ក្នុងដំណាក់កាលទីពីរ សទ្ទានុក្រមត្រូវបានចែកជូនទៅឲ្យអ្នកវិទ្យាសាស្រ្តកុំព្យូទ័រ និង អ្នកបកប្រែកំរិតខ្ពស់ដើម្បីធានាឲ្យបាននូវគុណភាពល្អក្នុងការបកប្រែ ។ ២០ កុម្ភៈ ២០០៤ ការិយាល័យគម្រោងបានចាប់ផ្តើម ហើយបានជួលមនុស្សម្នាក់ (គឺលោក កែវ សុផុន) សម្រាប់ធ្វើការងារបកប្រែ ។ មនុស្សផ្សេងទៀត បានផ្តល់នូវសេវារបស់ពួកគេក្នុងនាមជាអ្នកស្ម័គ្រចិត្ត ។ គម្រោងនៅត្រូវការរក អ្នកបកប្រែ/អ្នកវិទ្យាសាស្រ្តកុំព្យូទ័រ ម្នាក់ ឬក៏ពីរនាក់ទៀត ដើម្បីធ្វើការជាមួយសទ្ទានុក្រម ។ ២៦ កុម្ភៈ ២០០៤ គម្រោងបានជួលអ្នកវិទ្យាសាស្រ្តកុំព្យូទ័រម្នាក់ទៀត (គឺលោក សិទ្ធ ចាន់រត្ថា) ។ លោក និង លោក កែវ សុផុន នឹងធ្វើការងារ សទ្ទានុក្រម ។ ១២ មេសា ២០០៤ បានបញ្ចប់ការប្រមូលផ្តុំពាក្យសម្រាប់សទ្ទានុក្រមដោយផ្អែកលើ អត្ថបទកុំព្យូទ័រជាភាសាខ្មែរដែលមានស្រាប់ និង ដកស្រង់បញ្ជីពាក្យជាមូលដ្ឋានពីគម្រោងជាតូបនិយកម្ម កាតាឡាំង ។ ការប្រមូលផ្តុំ រួមបញ្ចូលនូវរាល់ អត្ថន័យដែលអាចមាន សម្រាប់ពាក្យនីមួយៗ ។ យើងមិនបានធ្វើការជ្រើសរើស ថាតើអត្ថន័យមួយណាដែលត្រឹមត្រូវនោះទេ ។ ១៩ មេសា ២០០៤ យើងបានផ្ញើបណ្តុំនៃពាក្យដែលបានបកប្រែរួចទៅឲ្យ សាស្រ្តាចារ្យ និងអ្នកជំនាញការវិទ្យាសាស្រ្តកុំព្យូទ័រ កម្រិតខ្ពស់ដែលបានធ្វើការជ្រើសរើស ក៏ដូចជាអ្នកវិទូភាសាខ្មែរ ដើម្បីឲ្យពួកគាត់ពិនិត្យ ។ ពួកគាត់នឹងសម្រេចចិត្ត តើអត្ថន័យមួយណាដែលត្រឹមត្រូវជាងគេ ។ បន្ទាប់ពីពួកគាត់សម្រេចចិត្តរួច គម្រោងនឹងទទួលបាននូវ សទ្ទានុក្រមចុងក្រោយ ដែលនឹងត្រូវផ្ញើទៅ ឥស្សរជនរដ្ឋាភិបាល ក្នុងលក្ខណៈជាអនុសាសន៍ ដែលរដ្ឋាភិបាល នឹងសម្រេចចិត្តជ្រើសរើសការបកប្រែមួយជាផ្លូវការ ។ ឧសភា ២០០៤ បន្ទាប់ពីការពិនិត្យឡើងវិញរបស់សាស្រ្តាចារ្យ និងអ្នកវិទូភាសាខ្មែរ និងការជួបពិភាក្សាគ្នាអំពីពាក្យដែលស្មុគស្មាញ យើងបានរៀបចំចេញជា សទ្ទានុក្រមកំណែថ្មីមួយ ។ កក្កដា ២០០៤ យើងបានចេញផ្សាយនូវ សទ្ទានុក្រមកំណែ 2.0 ។ កំណែនេះរួមបញ្ចូលនូវពាក្យដែលបានមកពីការពិភាក្សាជាមួយ សាស្រ្តាចារ្យ និង អ្នកវិទូភាសាខ្មែរ ក៏ដូចជាពាក្យបច្ចេកទេសថ្មីៗ ដែលបានជួបប្រទះក្នុងកម្មវិធី Thunderbird ។ Thunderbird ១៩ មេសា ២០០៤ ចាប់ផ្តើមបកប្រែកម្មវិធី Thunderbird 0.5 ដោយលោក កែវ សុផុន និង លោកសិទ្ធ ចាន់រត្ថា ដែលបានធ្វើការជាមួយ សទ្ទានុក្រម ។ ការចែកចាយគ្រោងនឹងធ្វើ នៅថ្ងៃទី ១ ខែ សីហា ឆ្នាំ ២០០៤ ។ ១ កក្កដា ២០០៤ យើងបានបញ្ចប់ការបកប្រែកម្មវិធី Thunderbird 0.5 រួចចាប់ផ្តើមអភិវឌ្ឍទៅជាកំណែ 0.7.1 ។ ២០ កក្កដា ២០០៤ យើងបានបញ្ចប់ការអភិវឌ្ឍន៍ Thunderbird ទៅជាកំណែ 0.7.1 ។ ការងារមួយចំនួនដូចជា រួមបញ្ចូល កែប្រែ ជ្រើសរើសពុម្ពអក្សរ ប្តូរទំហំបង្អួច ជាដើម កំពុងស្ថិតក្នុងដំណើរការ ។ ២៤ សីហា ២០០៤ Thunderbird ជិតនឹងចែកចាយ រង់ចាំតែការបង្កើត សេចក្តីណែនាំ របៀបប្រើប្រាស់ និងជំនួយ សម្រាប់អ្នកប្រើប្រាស់ប៉ុណ្ណោះ ។ ការអភិវឌ្ឍន៍តំបន់បណ្តាញមូលដ្ឋានជាភាសាខ្មែរបានចាប់ផ្តើម ព្រមទាំងចាប់ផ្តើមរកឈ្មោះជាភាសាខ្មែរ ដើម្បីដាក់ឲ្យកម្មវិធីនេះ ។ ការចែកចាយ មយូរា គ្រោងនឹងធ្វើឡើងក្នុងសប្តាហ៍ទីពីរ នៃខែកញ្ញា ឆ្នាំ ២០០៤ ។ Firefox ២ សីហា ២០០៤ យើងបានចាប់ផ្តើមបកប្រែកម្មវិធី Firefox ដែលធ្វើការបកប្រែដោយក្រុមមួយដែលមានមនុស្សពីរនាក់ ដែលម្នាក់ធ្លាប់បានបកប្រែកម្មវិធី មយូរា និងម្នាក់ទៀតជាបុគ្គលិក (អ្នកវិទ្យាសាស្រ្តកុំព្យូទ័រ)ដែលទើបតែចូលថ្មី ។ ការផ្តល់ជូន គ្រោងនឹងធ្វើឡើងនៅថ្ងៃទី ៣០ ខែកញ្ញា ។ ២០ សីហា ២០០៤ យើងបានបញ្ចប់ការបកប្រែកម្មវិធី Firefox 0.9.3 និងចាប់ផ្តើមបកប្រែឯកសារជំនួយ និងឯកសារមួយចំនួន ។ ការចេញផ្សាយគ្រោងនឹងធ្វើឡើងនាពាក់កណ្តាលខែ កញ្ញា ។ ហើយក៏បានចាប់ផ្តើមស្វែងរកឈ្មោះជាភាសាខ្មែរ សម្រាប់កម្មវិធីនេះ ។ OpenOffice ២ សីហា ២០០៤ យើងបានចាប់ផ្តើមបកប្រែកម្មវិធី OpenOffice ដែលធ្វើការបកប្រែដោយក្រុមមួយដែលមានគ្នា ៣ នាក់ ដែលសុទ្ធសឹងជាបុគ្គលិកដែលចូលថ្មី ហើយស្ថិតនៅក្រោមការសម្របសម្រួលពីសំណាក់អ្នកបកប្រែដែលមានបទពិសោធន៍ម្នាក់ ។ ការផ្តល់ជូន គ្រោងនឹងធ្វើនៅថ្ងៃទី ៣០ ខែវិច្ឆិកា ។ ៣១ សីហា ២០០៤ យើងបកប្រែ OpenOffice បាន ៦០ភាគរយ ។ ការសម្របសម្រួល កម្មវិធី KDE ការគាំទ្រភាសាខ្មែរក្នុង KDE ត្រូវបានបញ្ចប់ទាំងស្រុង ហើយបានរួមបញ្ចូលក្នុង កំណែ 3.3 នៃ Qt ដូច្នេះ KDE អាចបង្ហាញ និងបោះពុម្ពភាសាខ្មែរបានត្រឹមត្រូវ ។ ការងារនេះបានធ្វើរួចនៅសប្តាហ៍ទីពីរនៃឆ្នាំ 2004 ដោយ លោក Lars Knoll ដែលជាអ្នកថែទាំ Qt ដោយមានជំនួយពី លោក លីន ជា ។ ប៉ុន្តែមិនសូវត្រឹមត្រូវប៉ុន្មានទេ ដោយនៅមានកំហុសខ្លះៗ ហើយដែលត្រូវកែប្រែនៅក្នុងបំណះ កំណែ 3.3.1 ។ បំណះនេះនឹងរួមបញ្ចូលក្នុង Qt កំណែក្រោយ ។ ២៧ មេសា ២០០៤ យើងបានបង្កើត ប្លង់ក្តារចុច និងរបៀបដំឡើងក្នុង KDE ។ ឧសភា ២០០៤ នៅមានកំហុសបន្តិចបន្តួចទៀត ដែលទាក់ទងទៅនឹងបង្ហាញ ស្រះពេញតួដែលមានអក្សរតូចលើ ។ ពួកគេដឹងពីបញ្ហានេះ ហើយនឹងចៀសវាងដើម្បីកែលម្អវា (ការកែលម្អមួយត្រូវបានផ្ញើដោយលោក Jens Herden) ។ Gnome អតីតកាល ២៤ តុលា ២០០៣ លោក Javier Solá បានបង្កើតក្រុមមួយដើម្បីធ្វើការបកប្រែភាសាខ្មែរក្នុង Gnome ។ http://developer.gnome.org/projects/gtp/teams.html ២៧ តុលា ២០០៣ លោក Christian Rose ជាអ្នកសម្របសម្រួលគម្រោងបកប្រែ Gnome បាន ផ្ញើ កំហុសសម្រាប់ Pango ដែលបង្ហាញអំពីភាពខ្វះខាតក្នុងការគាំទ្រភាសាខ្មែរ (កំហុស ១២៥៦០៥) ។ លោក Owen Taylor អ្នកថែទាំ Pango បង្ហាញថា បញ្ហានោះមិនអាចដោះស្រាយបានទេ រហូតទាល់តែមានពុម្ពអក្សរយូនីកូដខ្មែរ ជាសាធារណៈ ។ ១៩ វិចិ្ឆកា ២០០៣ លោក Javier Solá បានរាយការណ៍ថា ឥឡូវនេះមានពុម្ពអក្សរយូនីកូដខ្មែរ OpenType ក្នុងដែនសាធារណៈហើយ (គ្មានការឆ្លើយតប) ។ ២៤ ធ្នូ ២០០៣ លោក លីន ជា បានប្រកាសថា គាត់កំពុងធ្វើឲ្យមានការគាំទ្រភាសាខ្មែរក្នុង Pango ហើយថាការងាររបស់គាត់កំពុងលូតលាស់ទៅមុខ ។ ៦ មករា ២០០៤ លោក លីន ជា បានប្រកាសអំពីការបញ្ចប់នូវម៉ូឌីលភាសាខ្មែរសម្រាប់ Pango ។ វាជាម៉ូឌីលដាច់ដោយឡែកមួយ ដែលចម្លងពីម៉ូឌីលភាសាសំស្រ្កឹត ។ លោក Owen Taylor (អ្នកថែទាំ Pango បាននិយាយថាគាត់នឹងពិនិត្យមើលអំពីបញ្ហានេះ) ។ លោក លីន ជា មានបំណងដោះស្រាយអំពីបញ្ហារួមបញ្ចូល ម៉ូឌីលភាសាខ្មែរ នៅក្នុងម៉ូឌីលភាសាសំស្រ្កឹត ដើម្បីចៀសវាងបង្កើតម៉ូឌីលដាច់ដោយឡែកពីគ្នាក្នុង Pango សម្រាប់ភាសាខ្មែរ ។ ១៦ មករា ២០០៤ លោក លីន ជា បានប្រកាសថា ដោយមិនចាំបាច់រួមបញ្ចូលម៉ូឌីលភាសាខ្មែរទៅក្នុងម៉ូឌីលភាសាសំស្រ្កឹតនៃ Pango លោកបានបង្កើតម៉ូឌីលដាច់ដោយឡែកពេញលេញមួយ ដែលអាចបញ្ចូលជាមួយ Pango ដោយមិនចាំបាច់មានម៉ូឌីលភាសាសំស្រ្កឹត ប៉ុន្តែដំណើរការស្របគ្នាជាមួយវា ។ ៧ មេសា ២០០៤ លោក Owen Taylor បានប្រកាសថា ការគាំទ្រភាសាខ្មែរជាផ្លូវការ នឹងមានក្នុង Pango កំណែ ១.៦ (បច្ចុប្បន្នជាកំណែ ១.៤) ។ ឧសភា ២០០៤ លោក Javier SOLA បានផ្ញើរបាយការណ៍កំហុសមួយក្នុង Pango អំពីកំហុសតូចមួយ ដែលវាមិនអនុញ្ញាតឲ្យដាក់អក្សរតូចពីលើស្រះពេញតួ(ឧទាហរណ៍ មិនបង្ហាញពាក្យ ឱ ត្រឹមត្រូវទេ ) ។ អនាគត ការរួមបញ្ចូលម៉ូឌីលភាសាខ្មែរទៅកាន់ប្រភពសាធារណៈ Pango ។ ការបកប្រែ ។ Mozilla អតីតកាល ១៣ មករា ២០០៤ លោក Javier Solá បានស្នើទៅកាន់បុគ្គលិករបស់ Mozilla ឲ្យ បង្កើត ក្រុម មួយសម្រាប់ភាសាខ្មែរ ។ ១៦ មករា ២០០៤ លោក លីន ជា បានរាយការណ៍ថា គាត់បានបញ្ចូលកំណែ Pango របស់គាត់ទៅក្នុង Mozilla ហើយវាក៏ដំណើរការ ប៉ុន្តែនៅមានកំហុសខ្លះ។ គាត់បានប្រើបំណះក្នុង bugzilla.mozilla.org/show_bug.cgi?id=215219 (ជាកន្លែងដែលមានការរួមបញ្ចូលគ្នានៃ Pango ក្នុង Mozilla ) ។ ២០ មករា ២០០៤ លោក លីន ជា បានប្រកាសថា យោងតាមការផ្តល់យោបល់របស់លោក Jungshik Shin គាត់បានចងក្រងកំណែចុងក្រោយនៃបណ្តាល័យ Xft ពី CVS របស់ Mozilla ហើយវាក៏បង្ហាញបានត្រឹមត្រូវ ។ Mozilla មានការគាំទ្រការបង្ហាញជាភាសាខ្មែរពេញលេញលើអេក្រង់ ។has full rendering (screen) support for Khmer. កំណែដែលបានចងក្រងអាចរកបានពី ទំព័រទាញយក របស់យើង ។ ១៩ មេសា ២០០៤ ចាប់ផើ្តមបកប្រែ មយូរា ។ មានគម្រោងចែកជូននៅខែ សីហា ឆ្នាំ ២០០៤ ។ សូមមើលផ្នែកបកប្រែ ។ អនាគត ដោះស្រាយបញ្ហាបោះពុម្ពក្នុង Unix ។ លោក Jungshik Shin បានរាយការណ៍ថា បញ្ហាចុងក្រោយនេះមានការទាក់ទងនឹងកំហុសរបស់ Mozilla ៖ http://bugzilla.mozilla.org/show_bug.cgi?id=211763 http://bugzilla.mozilla.org/show_bug.cgi?id=228961 (related although it doesn' look like it is) http://bugzilla.mozilla.org/show_bug.cgi?id=190031 http://bugzilla.mozilla.org/show_bug.cgi?id=208213 លោក Jugshik គឺជាអ្នកស្ម័គ្រចិត្តមួយរូបក្នុងការជួយ ឲ្យមានភាសាឥណ្ឌា ក្នុង Mozilla, ក្នុងនោះលោកមានការងារជាច្រើនចំពោះមុខ និងមានពេលទំនេរមានកំណត់សម្រាប់ការងារនេះ ។ គាត់បាននិយាយក្នុងសំបុត្រថា "ខ្ញុំក៏ចូលចិត្តជួសជុសការបោះពុម្ពផងដែរ ប៉ុន្តែខ្ញុំមិនអាចធានាបានទាំងអស់នោះទេ ។" ICU និង locale អតីតកាល ១៧ តុលា ២០០៣ លោក Javier Solá បានសរសេរទៅកាន់បញ្ជីសំបុត្រររួម icu-issues@oss.software.ibm.com ដោយស្នើសុំព័ត៌មានអំពី លទ្ធភាពនៃការប្រើភាសាខ្មែរ ក្នុង ICU ។ ១៥ តុលា ២០០៣ លោក Eric Mader បានរាយការណ៍ពីកំហុសក្នុង ICU ដែលមិនទាន់គាំទ្រភាសាខ្មែរបានពេញលេញ ។ ៤ វិច្ឆិកា ២០០៣ លោក Eric Mader <ermader@us.ibm.com> ដែលជាអ្នកថែរក្សា ICU LayoutEngine របស់ IBM បានឆ្លើយតបថា យើងមិនដឹងថាតើពេលណាដែលការគាំទ្រភាសាខ្មែរនឹងត្រូវបន្ថែម ប៉ុន្តែពួកគេរីករាយនឹងទទួលនូវរហស្សលិខសម្រាប់ភាសាខ្មែរ ។ ២ ធ្នូ ២០០៣ លោក Markus Scherer បានថ្លែងទៅកាន់លោក Maurice Bauhahn ថា ជំហានដំបូងគួរត្រូវបង្កើត locale មួយ ។ ៥ មករា ២០០៤ លោក Maurice Bauhahn បានចាប់ផ្តើមធ្វើការទៅលើ locale ដោយបង្កើតឲ្យមានទំព័រមួយដែលមានព័ត៌មានស្តីអំពី locale ក្នុង តំបន់បណ្តាញ របស់គាត់ ។ ១២ មករា ២០០៤ លោក Pablo Saratxatga បានផ្ញើឲ្យលោក Javier Solá នូវផ្នែកមួយនៃ Khmer locale ចាស់ ដែលសហការជាមួយលោក Savun Neang ។ មិថុនា ២០០៤ លោក Javier Solá បានយក locale ភាសាថៃ (បច្ចុប្បន្នជាយូនីកូដ) ពីកន្លែងផ្ទុក Locale ទូទៅ openi18n រួច Localizes វាទៅជា ភាសាខ្មែរ-កម្ពុជា ។ វារួមមានឈ្មោះប្រទេស ភាសា ប្រតិទិន និង លេខ ។ គាត់ក៏បានធ្វើការទៅលើការតម្រៀបផងដែរ ។ លំដាប់តម្រៀបតាមក្បួនតម្រៀបវចនានុក្រម ជួន ណាត ត្រូវបានកំណត់រួចហើយដោយលោក Kent Karlsson និងមានជំនួយពីលោក Maurice Bauhahn ឥឡូវនេះ អ្វីដែលត្រូវកំណត់ ថាតើនេះគឺពិតជាលំដាប់តម្រៀបដែលត្រូវបានប្រើដោយក្បួនតម្រៀបក្នុងប្រទេសកម្ពុជា ប៉ុន្តែនេះគឺជាចំណុចចាប់ផ្តើមដ៏ល្អមួយសម្រាប់ការធ្វើ locale ។ ១១ សីហា ២០០៤ Locale ដែលមានទិន្នន័យវប្បធម៌ត្រូវបានដាក់ស្នើទៅកាន់ Unicode Consortium ។ ៣១ សីហា ២០០៤ នៅពេលដែលការតម្រៀបតាមវចនានុក្រមជួន ណាតត្រូវបានបញ្ចប់ នោះវានឹងបានផ្ញើទៅកាន់ Unicode Consortium ។ ឯកសារតម្រៀបត្រូវបានអភិវឌ្ឈន៍ដោយ Ake Persson ដោយពឹងផ្អែកលើឯកសារដោយលោក Kent Karlsson ពិគ្រោះផ្តល់យោបល់ដោយលោក Maurice Bauhahn. ជាចុងក្រោយលោក Javier Solá ដែលជាអ្នកដាក់ស្នើឯកសារនេះបានណែនាំឲ្យមានការកែតម្រូវបន្តិចបន្តួច ។ អនាគត ការបន្ថែមការគាំទ្រភាសាខ្មែរទៅកាន់ប្លង់ ICU ។ ការអភិវឌ្ឈន៍វចនានុក្រមសម្រាប់ breakInteration ។ ការបន្ថែមការគាំទ្រភាសាខ្មែរទៅកាន់ breakIteration ។ OpenOffice អតីតកាល តុលា ២០០៣ លោក Javier Solá បានព្យាយាមទាក់ទងបុគ្គលិក និង អ្នកស្ម័គ្រចិត្តរបស់ OpenOffice ប៉ុន្តែពួកគេមិនដែលឆ្លើយតបឡើយ ។ ឧសភា ២០០៤ នៅលើ Windows ភាសាខ្មែរស្ទើរតែដំណើរការទាំងស្រុងក្នុង OpenOffice ប៉ុន្តែ វានៅមានកំហុសមួយចំនួន គឺវាមិនបង្ហាញភាសាខ្មែរត្រឹមត្រូវទេ (បញ្ហា ២៨៧៩៥ ) ។ មិថុនា ២០០៤ បញ្ហាដដែលនៅតែបន្ត ។ សីហា ២០០៤ អ្វីៗត្រូវបានធ្វើឲ្យប្រសើរនៅក្នុងកំណែចុងក្រោយ ប៉ុន្តែពេលបោះពុម្ពនៅមានកំហុសខ្លះ ។ កំហុសថ្មីៗចាំបាច់ត្រូវតែសាកល្បង និង ត្រូវរាយការណ៍ ពីការខូចខាតរបស់ OpenOffice ។ ភាសាខ្មែរត្រូវបានរួមបញ្ចូលក្នុងប្រអប់ក្នុង OpenOffice, locale មួយត្រូវបានអភិវឌ្ឍ ហើយក៏បានផ្តល់លេខសម្គាល់ភាស (មិនចាំបាច់ត្រូវការសម្រាប់ OpenOffice 2.0 ទៀតទេ) ហើយភាសាខ្មែរក៏ត្រូវបានរួមបញ្ចូលក្នុងតារាងជំនួសពុម្ពអក្សរ ។ ជាតូបនិយកម្មដែលមិនបានបកប្រែ មើលទៅហាក់ដូចជាបញ្ចប់រួចរាល់ហើយ គឺមានតែការបកប្រែប៉ុណ្ណោះដែលត្រូវការសម្រាប់ ការរួមបញ្ចូលក្នុងប្រព័ន្ធដំណើរការ Windows (ដោយមិនរួមបញ្ចូលកំហុសដែលបានរៀបរាប់ខាងលើ) ។ សម្រាប់ Linux ការគាំទ្រ ICU នឹងត្រូវការអភិវឌ្ឍ ។ អនាគត ទ្រង់ទ្រាយ MySpell ត្រូវការគាំទ្រ utf-8, បើមិនដូច្នេះ មិនមានការគាំទ្រសម្រាប់តួអក្សរយូនីកូដអាចត្រូវបានប្រើ ក្នុងការត្រួតពិនិត្យអក្ខរាវិរុទ្ធ ។ ខ្មែរសម្រាប់ ICU ការរួមបញ្ចូលការគាំទ្រនេះក្នុង OpenOffice វចនានុក្រម កំណែយូនីកូដជាអត្ថបទធម្មតានៃបញ្ជីពាក្យដែលមានក្នុង វចនានុក្រមខ្មែរ - ខ្មែរ ជួន ណាត(ឯកសារយោងសំខាន់បំផុតសម្រាប់ភាសាខ្មែរ ) មានដាក់ឲ្យប្រើរួចហើយ ។ វានឹងជាវចនានុក្រមដ៏សំខាន់មួយ ។ វាចាំបាច់ត្រូវការបកប្រែជាទ្រង់ទ្រាយ iSpell, MySpell និង ASpell ។ MySpell ហាក់បីដូចជាមិនដំណើរការជាមួយឯកសារ utf-8 ទេ ដែលរារាំងដំណើរការក្នុងការប្រើប្រាស់ការត្រួតពិនិត្យអក្ខរាវិរុទ្ធសម្រាប់ភាសាខ្មែរ និង ភាសាផ្សេងទៀតដែលត្រូវការយូនីកូដ ។

		ទំព័រត្រូវបានកែប្រែចុងក្រោយនៅ ថ្ងៃ សៅរ៍ ទី ៣០ ខែ តុលា ឆ្នាំ ២០០៤ សម្រាប់សេចក្តីអធិប្បាយណាមួយអំពីទំព័របណ្តាញ សូមទាក់ទងប្រធានបណ្តាញរបស់ដែននេះ