គម្រោងកម្មវិធីកុំព្យូទ័រភាសាខ្មែរ-មយូរា

	គម្រោងផ្តួចផ្តើមកម្មវិធីកុំព្យូទ័រភាសាខ្មែរ
	មយូរា

Your browser does not support inline frames or is currently configured not to display inline frames.

		ជំនួយមយូរា សូមស្វាគមន៍មកកាន់ជំនួយមយូរា ! នេះគឺជាតំបន់បណ្តាញពិពណ៌នាអំពីមយូរា ដែលជាកម្មវិធីអ៊ីមែល និង កម្មវិធីអានព័ត៌មានថ្មីមួយ មានប្រភពពី Mozilla Thunderbird របស់ Mozilla.org ។ តំបន់បណ្តាញនេះត្រូវបានបង្កើតឡើងសម្រាប់អ្នកប្រើដែលចង់រៀនអំពីរបៀបកំណត់រចនាសម្ព័ន្ធ មយូរា ទៅតាមចំណង់ចំណូលចិត្តរបស់ពួកគេ ។
		មយូរា - កម្មវិធីអ៊ីមែលថ្មីមួយផ្អែកលើ Mozilla Thunderbird 2.0.0.0 មយូរា គឺជាកម្មវិធីអ៊ីមែល និងជាកម្មវិធីអានព័ត៌មានមួយដែលឥតគិតថ្លៃ បើកចំហរហស្សលិខ និង អាចប្រើនៅលើប្រព័ន្ធប្រតិបត្តិការជាច្រើន ដូចជា Windows, Linux និង Macintosh ជាដើម ។ វាផ្តល់នូវផលប្រយោជន៍ខ្លះ ដែលលើសពីកម្មវិធីអ៊ីមែលផ្សេងទៀត ដូចជាការកំណត់ប្រភេទសារឥតបានការជាដើម ។ ដោយត្រូវបានស្ថាបនាឡើងពីរហស្សលិខរបស់ Mozilla, ហើយ មយូរា ប្រើ Gecko ដែលជាម៉ាស៊ីនបង្កើតការបង្ហាញ ដែលគោរពទៅតាមខ្នាតគំរូបំផុត ក្នុងពេលបច្ចុប្បន្ននេះ ។
		មយូរា មយូរា គឺជាកម្មវិធីកុំព្យូទ័រដំបូង ដែលត្រូវបានបកប្រែទៅជាភាសាខ្មែរ ។ វាប្រើពុម្ពអក្សរដែលប្រតិបត្តិតាមខ្នាតគំរូយូនីកូដ ។ វាអាចត្រូវបានប្រើ ដើម្បីផ្ញើអ៊ីមែលជាភាសាខ្មែរដោយប្រើពុម្ពអក្សរយូនីកូដ ឬ ពុម្ពអក្សរចាស់ៗមួយចំនួន (ABC, Limon,...ប៉ុន្តែអាចប្រើបាន លុះត្រាតែអ្នកទទួលអ៊ីមែលមានពុម្ពអក្សរដូចគ្នា) ។ វាអាចត្រូវបានប្រើ ដើម្បីផ្ញើអ៊ីមែលជាភាសាអង់គ្លេស ឬ ភាសាដទៃទៀត ដែលកុំព្យូទ័រត្រូវបានរៀបចំ ដើម្បីប្រើប្រាស់ ។

		ព័ត៌មានថ្មីៗបំផុត

		1-9-2004 -- មយូរាដំបូងត្រូវបានចេញផ្សាយ ។ ក្រុមគម្រោងកម្មវិធីកុំព្យូទ័រភាសាខ្មែរ ប្រកាសចេញផ្សាយកញ្ចប់ភាសាខ្មែរ សម្រាប់ Thunderbird 0.7.3 ។ កញ្ចប់នេះប្រែក្លាយ Thunderbird ទៅជាកម្មវិធីកុំព្យូទ័រភាសាខ្មែរ ១០០% ។ វាមានឈ្មោះថា មយូរា ។ ក្នុងពេលខាងមុខ យើងនឹងចេញផ្សាយកម្មវិធីដំឡើងមយូរាទាំងស្រុង ដោយមិនមែនជាកញ្ចប់ភាសាឡើយ ។ សូមធ្វើតាមសេចក្តីណែនាំក្នុងទំព័រទាញយក និង ដំឡើងរបស់យើង ។

		29-6-2004 -- Mozilla Thunderbird 0.7.3 ត្រូវបានចេញផ្សាយ កម្មវិធី Mozilla ត្រូវបានធ្វើឲ្យទាន់សម័យ ដើម្បីជួសជុលបញ្ហាសុវត្ថិភាព និងសន្តិសុខជាច្រើន រួមបញ្ចូលទាំងចន្លោះប្រហោងផ្សេងៗដែលបានចុះផ្សាយក្នុងសារព័ត៌មានកាលពេលថ្មីៗនេះ ។ នៅទីនេះមាន Thunderbird 0.7.3, ព្រមទាំង សេចក្តីសម្គាល់ការចេញផ្សាយ ។

		គម្រោងកម្មវិធីកុំព្យូទ័រភាសាខ្មែរ កំពុងត្រូវបានសម្របសម្រួលដោយ គម្រោងកម្មវិធីកុំព្យូទ័រភាសាខ្មែរ (KhmerOS) ។
		ទំព័រត្រូវបានកែប្រែចុងក្រោយនៅថ្ងៃ ៖ ច័ន្ទ ទី ០៧ ខែ ឧសភា ឆ្នាំ២០០៧ សម្រាប់សេចក្តីអធិប្បាយណាមួយអំពីទំព័របណ្តាញ សូមទាក់ទងប្រធានបណ្តាញរបស់ដែននេះ